"عشان متعيدش عند دكتور الأسنان" الدكتور أحمد عصام


 قال الدكتور أحمد عصام، أخصائي طب الفم والأسنان بالقصر العيني، 

- العيد من أكثر المناسبات المربوطة بوجع الأسنان دائماً – علشان دائماً بناكل كحك وحلويات كثير

 وكمان مكسرات وحاجات تانية كثير بتبقي سبب في تسوس الأسنان

- طيب أول الأسئلة اللي هاتيجي في بالكُم هي إزاي ناكل براحِتنا وأسنانا ماتوجعناش ؟؟

- إجابة السؤال ده بتعتمد أننا نفهم إزاي بيحصل تسوس الأسنان عشان نقدر نمنع حدوثه .

- التسوس هو عملية معقدة جداً لكن إحنا هنبسطها العملية دي بتبدأ لما بناكل وبقايا الأكل ده تفضل 

موجودة بجوار الأسنان سواء بقي بتبقي علي سطح السِنة أو ما بين الأسنان وبعضها ثم بتقوم بكتيريا 

موجودة في الفم بتحليل بقايا الأكل ده والإتنين مع بعض يسببه تآكل السطح الخارجي للاسنان ومع 

مرور الوقت التسوس بيزيد لغاية ما بنفقد جزء كبير من السِنة أو الضرس قبل مانحِس بوَجع !!! إيه ده

هو التسوس مابيوجعش ؟؟ أيوة التسوس في أدلة مابيوجعش لغاية ما بيقضي علي طبقة المينا في 

الأسنان وهنا مابيبقاش في وجع خالص وبعد كدة بيبدأ يدخل علي طبقة العاج وهنا ممكن أحياناً نحِس 

بوَجع مع السكريات فقط . لغاية بقي ما يقرب التسوس من العصب هنا بنحِس بوَجع . عشان كدة وجع 

الأسنان بيبقي دائماً مرحلة متأخرة من التسوس . 

- عشان كدة لازم نعمل (Check-up) دوري كل 6 أشهر عند دكتور الأسنان مع تنظيف الجير .   

 - طيب إزاي نمنع التسوس ؟؟ وفي نفس الوقت ناكل حلويات وكحك ؟؟    

   - هنعمل كذا حاجة : 

أولاً : أن إحنا هناكل الحلويات أو النشويات في وقت معين في اليوم ( يعني مايبقاش في دايماً حاجة مسكرة في 

داخل الفم ندِي وقت مابين الوجبات اللي فيها سكريات ونشويات من 3-4 ساعات بين كل وجبة ) .   

- ثانياً : نحافظ علي غسيل الاسنان صباحاً ومساءً وياريت بعد الوجبات التقيلة .

- ثالثاً : نستخدم مضمضة مرتين يومياً لمدة لاتزيد عن إسبوع ونوقف لمدة 4 أيام ثم نعاود إستخدام المضمضة 

ونستمر دائماً علي هذا النظام . 

- رابعاً : إستخدام الخيط الطبي مرة علي الأقل يومياً وبكدة نبقي حافظنا علي الأسنان وكلنا اللي نفسنا فيه .