السينابون فى منزلك بأقل سعر ونفس المذاق الرائع بإيدى ياسمين محمد

بطريقة بسيطة وسهلة نفذت ياسمين محمد من مطبخهاchocolate & vanilla السينابون واليوم تعرض لنا طريقته بعد ان نالت طريقتها اعجاب الكثيرين   

الطريقة

هندفى كوباية لبن ونحط عليها نص كوب سكر ومعلقتين ونص خميره وندوبهم كويس ونغطيهم ونسيبهم خمس دقائق يخمروا وأثناء التخمير نحضر ف العجان عدد 2بيضه وتلت كوب زبده  ونعاير 3كوبيات دقيق ورشة ملح بس ممكن تحتاج منك نص كوبايه تانى دقيق ونبدء نعجن بقى بالخميره إلى خمرت وريحتها تحفه نعجن لحد ما كله يتجانس مع بعضه تمام نسيبها بقى تخمر ساعه وبعد ما تخمر نفردها مستطيل كبير وبعد ما نفرد نجيب زبدة طريه وافردها فوق العجين ف بوله احط معلقة سكر ومعلقة كاكاو ومعلقه قرفه وطبعا القرفه مش هتكون باينه خالص تمام ونبدء بقى نلف العجينه على بعض زى الرول تمام كده بعد ما جهزت اجيب خيط وأقطع بيها قطع متساويه وطبعا الخيط هيطلع القطع مظبوطه عكس السكينه بعد ما نقطعها هنرصها ف صينية فيها ورقة زبده وهتكون كل قطعه بعيده عن التانيه نسيبها تخمر كمان ساعة وبعد كده هندخلها الفرن لحد ما يحمر هيبقى تحفه بعد كده بقى نحضر الصوصات بتاعتنا التحفه اول حاجه الصوص الابيض او التوبينج بتاع السينابون ربع كوب زبده وكوب سكر بودره ومعلقتين كريم شانتيه ومص كوب لبن و4قطع جبنة كيرى ونضربهم كويس ولو حسناه تقيل نحط لبن بسيط ونضرب وممكن نحط رشة قرفه عليه ونضرب كويس بعد كده صوص الكراميل كوباية سكر تتكرمل على النار  بعد ما يسيح ننزل عليه ب  علبة كريمه لبانى للحلويات وقطعة زبده  وهيكون جاهز وصوص الشيكولاته بقى هندوب الشيكولاته الخام ف حبة لبن صغيرين خالص عشان ميبقاش خفيف ونزود عليهم معلقتين كريم شانتيه ندوبهم كويس وبكده السينابون بصوصاته وحركاته وتكاته جاهز معاكم